27 January 2021  |   बुधबार, माघ १४, २०७७

भारतबाट फर्केका नेपाली बन्धक बनाई लुटिए

मिसनटुडे संवाददाता
प्रकाशित मितिः बिहिबार, मंसिर २४, २०७२  

भारतबाट कमाई गरि घर फर्किदै गरेका रोल्पाका दुई युवकलाई नेपालगन्जको एक होटलमा बन्धक बनाई लुटपाट गर्ने दुई जनालाई बाँके प्रहरीले पक्राउ गरेको छ ।
नेपालगन्जको धम्बोजीमा रहेको नेपालगन्ज गेष्ट हाउसमा कोक र बियरमा मिसाएको नशालु पदार्थ सेवन गराई एक लाख ५० हजार लुट्ने कालिकोट छाप्रा– ५ का श्रीकृष्ण शाही र बर्दिया धधवार–७ का चर्तुभुज बम पक्राउ परेका हुन् । उनीहरुले भारतबाट घर फर्कदै गरका रोल्पा जिनावाङ्ग–३ का १६ बर्षीय डिलबहादुर घर्तीमगर र २५ बर्षीय विरेन्द्र घर्ती मगरलाई बन्धक बनाई लुटपाट गरेका थिए । भारतमा जडिबुटी कारोवार गर्ने शाही र बम उनीहरुलाई एउँटै बसमा पिछा लाग्दै आएको र होटलमा संगैै बसेर लुटपाट गरेका थिए । उनीहरुलाई प्रहरीले नेपालगन्जको बसपार्कबाट पक्राउ गरेको थियो ।

होटलको ५०७ नम्बरमा बसेका उनीहरुलाई शाही र बमले बियर, कोकमा निद्रा लाग्ने र लठ्याउने औषधी मिसाएर बेहोस् बनाई बन्धक राखेको प्रहरीले निष्कर्श निकालेको छ । होटलबाट प्रहरीले नशालु पदार्थ मिसाएको कोक बतोल समेत पक्राउ गरेको जिल्ला प्रहरी कार्यालय बाँकेले जनायो । होटल संचालकले दुई युवक बेहोस् रहेको प्रहरीमा सूचना गरेपछि उनीहरुलाई उद्धार गरि भेरी अञ्चल अस्पतालमा प्रहरीले पठाएको छ ।

पक्राउ परेका दुई विरुद्ध मुलुकी ऐन अपहरण तथा शारिर बन्धक महल अनुसार कारवाही हुने प्रहरीले जनायो ।

प्रकाशित मितिः बिहिबार, मंसिर २४, २०७२     7:42:09 PM  |

Leave a Reply

Your email address will not be published. Required fields are marked *