मिसनटुडे संवाददाता
प्रकाशित मितिः शुक्रबार, अशोज ९, २०७७
कोहलपुर:
कोरोना संक्रमणका कारण नेपालगञ्जका थप एक जनाको मृत्यु भएको छ ।
शुक्रबार नेपालगञ्ज उप महानगरपालिका वडा नम्बर ३ बस्ने ५२ वर्षीय पुरुषको कारण उपचारको क्रममा मृत्यु भएको हो ।
स्वास्थ्य कार्यालयका फोकल पर्सन नरेश बाबु श्रेष्ठले नेपाल मेडिकल कलेज शिक्षण अस्पताल कोहलपुरमा ती पुरुषको उपचारको क्रममा मृत्यु भएको हो ।
यो सगै बाँकेमा कोरोना संक्रमण देखिएर मृत्यु हुनेको संख्या १२ पुगेको छ ।
यो सँगै नेपालगञ्जमा मात्रै कोरोनाको मृत्यु हुनेको संख्या ९ पुगेको छ । उनी ६ गते स्वास्थ्यमा समस्या आएपछि अस्पताल भर्ना गरिएको थियो । उनको दुवैतिरको फोक्सोमा निमोनिया, उच्च रक्तचापको समस्या रहेको उनले बताए ।