आउँदो १४ गते बाँकेको कोहलपुर नगरपालिका वडा नम्बर ६ मा उपनिर्वाचन हुन गइरहेको छ । अहिले सत्ताको एउटा घटक समाजवादी पार्टीले सुभाकर पोख्रेललाई वडा अध्यक्ष पदको उम्मेदवारमा चुनावी मैदानमा उतारेको छ । अहिले पार्टीले वडा नम्बर ६ मा चुनावी प्रचार प्रसार तथा घरदैलो अभियानलाई तिव्र रुपमा अगाडि बढाइराखेको अवस्था छ । गत वर्ष वडा अध्यक्ष राम सोहन थारुले निधन भएको पदमा निर्वाचन हुन गइरहेको हो । स्थानीय तहको निर्वाचनको क्रममा यहाँ नेपाली काँग्रेसका उम्मेदवारहरु विजयी भएका थिए । अहिले हुन गइरहेको उपनिर्वाचनमा मतदाताहरुले समाजवादी पार्टीका उम्मेदवार सुभाकर पोख्रेललाई किन भोट
दिने ? लगायतका बिषयमा मिसन संवाददाताले उम्मेदवार पोख्रेलसँग गरेको कुराकानी :-
१. आउँदो मंसिर १४ कोहलपुर वडा नम्बर ६ मा हुने उपनिर्वाचनको प्रचार प्रसारलाई कसरी अगाडि बढाइरहनुभएको छ ?
ड्ड हामीले उपनिर्वाचनको प्रचार प्रसारलाई एकदमै तीव्र बनाएका छौँ । प्रचार प्रसारको क्रममा वडावासीहरुको घर दैलोमा गएर उहाँहरुसँग भेटघाट गर्ने, आफ्ना प्रतिवद्धताहरु सार्वजनिक गर्ने, वडामा भएका समस्याहरुको पहिचान गर्ने लगायतका कामहरु गरिरहेका छौँ । साथै विभिन्न सञ्चार माध्यमहरुबाट पनि प्रचार प्रसारलाई अघि बढाएका छौँ ।
२. जनताको घरदैलोमा जाँदा के कस्तो प्रतिक्रिया पाउनु हुन्छ ?
ड्ड जनताको घरदैलोमा पुग्दा होस् वा अन्य विभिन्न माध्यामहरुबाट होस् सबैबाट सकारात्मक प्रतिक्रियाहरु आउने गरेका छन् । उहाँहरु धेरैको चासो देश वा राजनतिमा युवाहरुले नेतृत्व गर्नुपर्छ भन्ने नै छ । किनभने पछिल्लो पुराना अथवा पहिलेका उम्मेदवारहरुबाट नागरिकहरुमा नैराश्यकता छाएको अवस्था छ । उनीहरुले जनताले चाहेजस्तो विकास निर्माण, राजनीतिक नेतृत्व, आर्थिक पादर्शिता, सुशासन जस्ता कामहरु गर्न नसकेको अवस्थामा यस्ता गुनासा अथवा नैराश्यकता छाउनु स्वाभाविक पनि हो । त्यसैले कोहलपुर नगरपालिका वडा नं.६ मा मेरो उम्मेदवारीप्रति त्यहाँका युवा तथा अन्य नागरिकहरुले पनि चासो देखाइरहनु भएको छ । सकारात्मक प्रतिक्रिया र हौसला दिइरहनु भएको छ ।
३. तपाइको उम्मेदवारी किन र केका लागि ?
ड्ड समग्रमा भन्नुपर्दा मेरो उम्मेदवारी वडा नं.६ को विकास र समृद्धिका लागि हो । विभिन्न आर्थिक, सामाजिक, शैक्षिक, कृषि, स्वास्थ्य लगायतका माध्यमबाट त्यहाँका नागरिकहरुको जीवनस्तर परिर्वतन गर्नका लागि हो । अर्को कुरा त्यस वडामा विभिन्न समदायका मानिसहरुको बसोबास रहेकोले पनि त्यहाँको सामाजिक सद्भाव, सुशासन, आर्थिक पार्दर्शीता लागि पनि मेरो उम्मेदवारी हो । त्यसका साथ साथै पहिलेका पुराना उम्मेदवारहरु मात्र पटक पटक चुनावमा उठ्ने र जित्ने पनि । जितेपछि उनीहरुबाट जनताले अपक्ष गरेका अथवा चाहेजस्ता कामहरु हुने नसक्ने अवस्था रहेकाले उम्मेदवारी दिएको हुँ ।
४.वडा नं.६ थारु समुदायको बाहुल्यता भएको वडा हो । त्यहाँ तपाइले उम्मेदवारी दिँदा त्यहाँका जनताले कत्तिको विश्वास गर्लान् ?
ड्ड यसमा म के भन्छु भने को थारु, को मधेसी, को जनजाती, को हिमाली, हामी सबै नेपाली । अहिलेको समयमा पनि हामीले जातजाती, धर्म, समुदाय, लिङ्ग हेर्न थाल्यौं भने हाम्रो विभेदकारी मानसिकता कहिले अन्त्य गर्ने ? अहिलसम्म हामी पछि पर्नुका कारणमध्ये यस्तैखाले परम्परागत सोचाइले गर्दा पनि हो । त्यस कारण पछिल्लो समय जातजाती, धर्म, लिङ्ग, समुदाय हेरेर भोट हाल्ने मान्यता वा परिपार्टी भएपनि त्यो कम हुँदै गइरहेको अवस्था छ । त्यसैले अहिले सबैले पार्टी, धर्म, समुदाय हेरेर भन्दा पनि सम्रग वडाको विकास गर्न सक्ने युवा त्यसमा पनि योग्य, सक्षम उम्मेदवारलाई भोट हाल्नुहुनेछ भन्ने विश्वास लिएको छु । उहाँहरुप्रति मलाई के विश्वास छ भने थारु, जनजाती, मधेसी, मुस्लिम, दलित, महिलाहरुको हक हितमा लड्दै आएको पार्टी समाजवादी पार्टी हो । र यदि उहाँहरुले अमुल्य मत दिएको मलाई जिताउनु भयो भने उहाँहरुको मतलाई खेर जान दिने छैन भनेर विश्वास पनि दिलाउन चाहन्छु ।
४. तपाईहरुले वडावासीहरुमाझ के कस्ता प्रतिवद्धताहरु सार्वजनिक गर्नु भएको छ ?
ड्ड हामीले वडावासीहरुमाझ अन्य ठूला राजनीतिक दलहरुका जस्ता ठूला ठूला आश्वासन बाँडेका छैनौँ । उनीहरुले जस्ता यहाँदेखि त्यहाँसम्म सडक निर्माण गर्छाै, त्यसलाई कालोपत्रे गर्छौ, बिजुली बत्ति, खानेपानीका धाराहरु घरघरमा ल्याउँछौँ भन्ने जस्ता सपना देखाएका छैनौँ । म वडा नं.६ मा निर्वाचित भए भने सर्वप्रथम त सबै टोलटोलमा समस्या पहिँचान तथा समाधान समिति बनाउने छु । हामीले पहिले समस्या पहिँचान गरेर समाधान ग¥र्यौ भने न सामाधान हुने हो । साथै प्राथमिकताका आधारमा विकास निर्माणका योजनाहरु निर्माण गर्नेछु । सबैभन्दा पहिले त्यहाँको प्रमुख समस्या के हो ? दोस्रो समस्या के हो ? यसरी क्रमशः प्राथमिकताका आधारमा पहिचान गरी तनिको समस्या समाधान गर्नतर्फ केन्द्रित हुनेछ । समस्या र प्राथमिकताका आधारमा विकासका योजनाहरु निर्माण गर्न सकिएन भने विकासले गति लिन सक्दैन् । त्यसैले कालोपत्रे, बाटोघाटो निर्माण लगायतका कामहरु मात्र विकास निर्माण होइन् । विकास भनेको त त्यहाँका नागरिकहरुले शिक्षा, स्वास्थ्य, खानेपानी, रोजगार लगायत आर्थिक रुपमा सबल भएमा मात्र त्यहाँको विकास सम्भव छ ।
६. तपाई भन्दा अन्य ठूला पार्टीका उम्मेदवारहरु पनि वडा नं.६ बाट चुनाव लड्दा तपाइले जित्ने सम्भावना कत्तिको छ ?
ड्ड म मतदाताको मन जित्न सफल छु । सबैले विश्वास गर्नुका साथै उत्साह र हौसला पनि प्रदान गर्नु भएको छ । मलाई युवाहरुको पनि भरपुर साथ र सहयोग छ । उहाँहरुले यो पटक कुनै पार्टी नहेरेर मलाई भोट दिनु हुनेछ भन्नेमा म एकदमै विश्वस्त छु । मलाई आशा अनि विश्वास छ उहाँहरुको साथ सहयोग पाउनेछु । किनभने हिजोका दिनमा जितेकाहरुले विभिन्न वाचाहरु गर्ने तर चुनाव जितेर गइसकेपछि ती वाचाहरु पुरा नगर्ने गरेकाले पनि मतदाताहरु आजित भइसक्नु भएको छ । त्यसैले पनि सबैको साथ सहयोगले मैले जित्ने निश्चित छ ।
७. तपाइले जित्ने मुख्य आधारहरु के छन ?
सर्वप्रथम त मेरो जित्ने पहिलो आधार भनेको नै म त्यो वडाको युवा उम्मेदवार हुँ । किनभने अहिले पछिल्लो समय जोशजाँगर भएका उर्जाशील युवाहरुलाई युवाहरुले मात्र केहि गर्न सक्छन् भन्ने सबैमा विश्वास छ । युवामा जोसजाँगर हुन्छ, युवाले केही गर्छ भन्ने उहाँहरुले बुझ्नु भएको छ । त्यस वडामा भएका विभिन्न समस्याहरुलाई मैले नजिकैबाट नियालेको हुनले पनि ती समस्या यसले समाधान गर्छ है भनेर उहाँहरुले मतदान गर्नुहुन्छ । विकासका लगायत अन्य सामाजिक कार्यहरुमा पनि सबैलाई मिलाएर लैजान सक्ने क्षमता ममा भएकोले उहाँहरुले मलाई मतदान गरेर जिताउनु हुन्छ ।
८. वडा नं.६ मा वडामा मुख्य गरेर के के समस्याहरु छन् ? पहिचान गर्नु भएको छ ?
ड्ड वडा नं.६ मा थुप्रै समस्याहरु छन् । ती समस्याहरुसँग म प्रत्यक्ष अप्रत्यक्ष रुपमा एकदमै नजिक छु । कयाँै जटिल समस्याहरु पनि छन् । तिमध्ये वर्षतको समयमा हुने डुवान पनि त्यहाँको प्रमुख समस्या हो । त्योसँगै खानेपानी, विद्युत्, सडक, बाटोघाटो लगायत शिक्षा, स्वास्थ्य कृषि लगायतका क्षेत्रमा पनि उत्तिकै समस्या छन् ।
९. तपाई वडा नं.६ मा निर्वाचित हुनु भयो भने ती समस्याहरु समाधान गर्न सक्नु हुन्छ त ?
ड्ड म वडा नं.६ मा निर्वाचत भएँभने पक्कै पनि ती समस्याहरुलाई पक्कै पनि समाधान गर्न सक्छु । हुन त कुनै पनि समस्या एक्लैले समाधान गर्न अलि गाह्रो नै हुन्छ । तरपनि त्यहाँको जनताको, वडावासीहरुको साथ र सहयोगले ती समस्याहरु सजिलै ढङ्गले समाधान गर्न सकिन्छ । कुनै व्यक्ति वा पार्टीगत स्वार्थमा नलागेर सबैलाई मिलाएर लैजान सक्ने क्षमता आफूसंग भएकोले पनि वडामा भएका सबै समस्याहरुलाई पहिचान गरी समाधन गर्न सकिन्छ भन्नेमा विश्वस्त छु ।
१०. केन्द्र, प्रदेशदेखि स्थानिय तहसम्म कम्युनिष्टकै सरकार भइरहेको अवस्थामा तपाइ एक्लो उम्मेदवारले जित्नु भयो भने त्यो वडाको विकास सम्भव छ त ?
ड्ड एक्लो उम्मेदवार भन्दा पनि यसमा मैले अघि पनि भनिसके सबै वडावासीहरुलाई साथमा लिएर म अघि बढ्छु । कुनै पनि काम गर्नलाई एक्लो प्रयासले मात्र पनि अलि असम्भव नै छ । त्यसैले सामाजिक कार्यका लागि अथवा वडावासीहरुका समस्याहरुका लागि राजनीतिक दल, समाजसेवी, सरोकावाला निकाय, त्यहाँका जनता सबैलाई साथमा लिएर जानेछु । वडा नं.६ लाई समृद्ध, विकसित र नमूना वडाका रुपमा विकास गर्ने लक्ष्य रहेको छ ।
११. अन्त्यमा सम्पूर्ण वडावासीहरुलाई के भन्न चाहनु हुन्छ ?
अन्त्यमा के भन्न चाहन्छु भने अन्य उम्मेदवारहरुले भनेजस्तो गरेर दिनरात खटेर भोकभोकै काम गर्नु भन्दिन म । किनभने भोकभोकै कसैले पनि काम गर्न सक्दैन । यो असत्य कुरा हो । म के भन्न चाहन्छु भने एक दिन आफ्नो लागि छुट्याउँछु, ६ दिन वडावासीहरुका लागि । एक दिन गरेको कामले मेरो जिविकोपार्जन हुन्छ भनेर वडावासीहरुले मलाई मतदान गरिदिनुहोला । मलाई मतदान गर्नका लागि मेरो चुनाव चिन्ह पञ्जामा मतदान गरेर विजयी बनाउनु होला । वडा नं.६ मा युवा उम्मेदवारलाई जिताएर देशभरी सन्देश दिनुहुने छ । यहाँहरुले दिएको अमूल्य मतलाई अवमूल्यान हुन दिने छैन । तपाइको दिएको मतको अचित मूल्याङ्कन गर्दै अघि बढ्नेछु ।