नेपाली दाजुभाइ दिदीबहिनी भारतमा मात्र होइन कहीँ पनि नलुटिऊन भन्ने कुरामा नेपाल प्रहरी सचेत छ । त्यसैले हामीले भारतसँग प्रत्येक महिना काउन्टर पार्ट मिटिङ गर्दै आएका छौँ । चाडबाडलाई लक्षित गरेर हालै मात्र पनि हामीले भारतीय पक्षसँग मिटिङ गरेका थियौँ । त्यसमा नागरिकको सुरक्षाका लागि दुवै पक्षले सहयोग, सहजीकरण र समन्वय गर्ने कुरा भएको छ । हामी हाम्रा नागरिकको सुरक्षाप्रति सचेत छौँ ।
नारायण डाँगी । प्रहरी नायब उपरीक्षक (डिएसपी) । जिल्ला प्रहरी कार्यालय, बाँके
१. जिल्लामा कस्ता–कस्ता सुरक्षा चुनौतीहरू छन् ?
बाँके जिल्ला संवेदनशील जिल्ला हो । यहाँ थुप्रै सुरक्षा चुनौतीहरू छन् । धार्मिक, जातीय विविधता तथा सीमाक्षेत्रको जिल्ला भएकाले पनि यहाँको सुरक्षामा थप चुनौती देखिएका छन् । केही समयअघि मात्र पनि यहाँको सुरक्षामा केही तनावपूर्ण अवस्था देखाप¥यो ।
तर पनि सबैको संयम र सुझबुझबाट यो साम्य भएको छ । यसले पनि धैय, संयम र सुझबुझले नै समाजमा शान्ति स्थापना हुने कुरालाई स्पष्ट गर्दछ ।
२. नेपालीहरूका चाडबाड नजिकिएका छन् । चाडबाडमा सुरक्षा चुनौती अझै थपिएलान् नि त ?
दसैँको समय भएकाले अहिलेको प्रमुख चुनौती भनेको मूर्ति विसर्जन हो । यसलाई कसरी सही ढंगले सुरक्षा व्यवस्थापन गर्ने भन्ने कुरामा हामी केन्द्रित भएका छौँ ।
अर्को कुरा चाडबाड भएकाले यतिबेला मानिसका गाउँकेन्द्रित यात्राहरू जारी छन् । नेपालगन्ज भनेको एउटा ट्रान्जिट पनि हो । भारतबाट आउने अधिकांश नागरिक यही बाटो भएर विभिन्न क्षेत्रमा जाने गरेका छन् ।
त्यसकारण उनीहरूको सुरक्षित यात्राका लागि सहयोग पु¥याउने हिसाबले हामीले विभिन्न स्थानहरूमा यात्रु सहायता कक्षहरू पनि स्थापना गरेका छौँ ।
त्यस्तै तेस्रो कुरा भनेको यतिबेला वित्तीय कारोबार बढी हुने समय हो । मानिसहरूको बैंक तथा वित्तीय संस्थाहरूमा बढी आउजाउ हुने गर्छ । आर्थिक रूपमा संवेदनशील मानिने वित्तीय क्षेत्र तथा सुन पसलहरूमा हामीले सुरक्षा प्रबन्ध मिलाएका छौँ । त्यस्ता ठाउँहरूमा हामीले निगरानी बढाएका छौँ, प्रहरी परिचालन गरेका छौँ ।
त्यस्तै, चौथो नम्बरमा, चाडबाडका बेला दुर्घटनाहरू बढी हुने सम्भावना हुन्छ । मानिसहरू चाडबाडको माहोलमा हुन्छन् । कतिपयले मापसे गरेर सवारी चलाउने गरेको पनि पाइन्छ । यस्ता कुराको रोकथाम गर्नका लागि हामीले संयुक्त सुरक्षा गस्ती पनि बढाएका छौँ ।
ट्राफिक प्रहरीसँगको समन्वयमा चेक प्वाइन्टहरू बढाएर निगरानी गर्ने काम भइरहेका छन् ।
त्यसैगरी चाडबाडका बेला चोरी लुटपाटका घटना पनि बढ्न सक्छन् । त्यस्ता घटना हुन नदिन पनि हामी क्रियाशील छौँ । हाम्रो प्र्रयत्न आफ्नो ठाउँमा रहन्छ । आम सर्वसाधारण पनि यसमा सचेत हुन जरुरी छ ।
नागरिक सचेतनाका लागि हामीले विभिन्न सञ्चारमाध्यमहरूबाट पनि अनुरोध गरिरहेका छौँ । रेडियो जिंगलहरू बनाएर नेपाली, अवधिलगायतमा भाषामा सचेतना सामग्री प्रचारप्रसार भइरहेका छन् ।
३. यतिबेला भारतीय नाकाबाट नेपालीहरू आउने क्रम बढेको छ । भारतमा उनीहरू लुटिने ठगिने गरेका समाचार सुनिन्छ । त्यसलाई नियन्त्रण गर्न भारतीय प्रहरीहरूसँग कस्तो समन्वय भइरहेको छ ?
नेपाली दाजुभाइ दिदीबहिनी भारतमा मात्र होइन कहीँ पनि नलुटिऊन भन्ने कुरामा नेपाल प्रहरी सचेत छ । त्यसैले हामीले भारतसँग प्रत्येक महिना काउन्टर पार्ट मिटिङ गर्दै आएका छौँ ।
चाडबाडलाई लक्षित गरेर हालै मात्र पनि हामीले भारतीय पक्षसँग मिटिङ गरेका थियौँ । त्यसमा नागरिकको सुरक्षाका लागि दुवै पक्षले सहयोग, सहजीकरण र समन्वय गर्ने कुरा भएको छ । हामी हाम्रा नागरिकको सुरक्षाप्रति सचेत छौँ ।
४. अर्को कुरा चाडबाडका बेला रमाइलोका नाममा ठूला–ठूला जुवा चल्ने गरेको पाइन्छ । जुवातास नियन्त्रणका लागि पनि कुनै योजना अघि सार्नुभएको छ कि ?
हेर्नोस, जुवातास नियन्त्रण हाम्रो सुरक्षा योजनाअन्तर्गत जहिले पनि पर्छ । हामीले विभिन्न सूचनाहरू संकलन गर्ने काम गरिरहेका हुन्छौँ । सादा पोसाकमा हाम्रा प्रहरी परिचालित भएका हुन्छन् ।
उनीहरूको सूचनाका आधारमा यस्ता काम नियन्त्रण हुने गरेका छन् । कहीँ त्यस्तो अवस्था देखियो भने हामी पक्राउ गरेर कानुनी कारबाही गर्छौं । यो हाम्रो नियमित कामअन्तर्गत नै पर्छ । चाडबाडमा विशेष निगरानी बढाइन्छ ।
५. केही दिनअघि मात्र नेपालगन्जमा जुन तनाव सिर्जना भयो, त्यो समयमै सुरक्षा सचेतता अपनाउन नसक्दा भएको भन्ने आम बुझाइ छ । आगामी दिनमा यस्ता घटना नदोहोरिऊन भन्नका लागि सुरक्षा निकाय कत्तिको सचेत छ ?
बाहिर आएका सबै कुरा सत्य हुन्छन् भन्ने हुँदैन । विगतमा जुन घटना घट्योे त्यस्तो घटना फेरि फेरि नघटोस् भन्ने कुरामा हामी सबै सचेत हुनुपर्छ । सबै नागरिक जिम्मेवार भएर मात्र धार्मिक, सामाजिक सद्भाव कायम राख्न सकिन्छ ।
समाजको सुरक्षा नागरिकको पनि जिम्मेवारी हो । बाँकेबासी सम्पूर्ण नागरिकमा संयम हुन, सामाजिक सद्भाव कायम गर्न र कुनै पनि सुरक्षा अवस्थामा खलल पुग्ने काम नगर्न हार्दिक अनुरोध पनि गर्न चाहन्छु ।
प्रतिक्रिया दिनुहोस्