4 March 2021  |   बिहिबार, फाल्गुन २०, २०७७

‘बृन्दावनबाट उठेको रकम सामाजिक काममा लगाउछु’

मिसनटुडे संवाददाता
प्रकाशित मितिः बुधबार, साउन १९, २०७३  

टकटाईम विथ केशव
भाद्र १७ गतेदेखि नेपाली कथानक चलचित्र बृन्दावन देशभरका हलहरुमा एकसाथ प्रदर्शनमा आउँदैछ । बृन्दावन टिमले प्रचारप्रसारलाई तीव्रता दिएको छ । बृन्दावन चलचित्रको प्रमोशनका कामहरु र चलचित्रका विषयवस्तुहरुसँग सम्बन्धित रहेर हामीले बृन्दावनका निर्माता  रुद्र खनालसँग कुराकानी गरेका छौं ।
खनालजी, टकटाईममा यहाँलाई स्वागत छ ।
– धन्यवाद ।
कता व्यस्त हुनुहुन्छ, आजभोलि ?
– ‘बृन्दावन’ कै प्रचारप्रसारमा जुटेको छु ।
प्रचारप्रसारलाई कसरी अगाडि बढाइरहनुभएको छ ?
– विभिन्न कार्यक्रमहरु गरेका छौं । पहिलो चरणमा देशैभरीका हलहरुमा पुग्यौं । अब दोश्रो चरण पनि पुग्ने तयारी छ । त्यसका अलावामा प्रमोशनका कामहरु पनि गरिरहेकै छौं ।
बृन्दावन चलचित्रमा के छ ? किन हेर्ने दर्शकले तपाईको चलचित्र ?
– बृन्दावन नारी प्रधान चलचित्र हो । नारीहरुले पनि चाह्यो भने पूरुष सरह शक्तिहरु प्रदर्शन गर्न सक्छन् भन्ने देखाउन खोजिएको छ । यो सँगसँगै बाँदरको भूमिका पनि रोचक छ ।
सुन्नमा आएको कुरा, नायिकालाई भन्दा बाँदरलाई धेरै पारिश्रमिक दिनुभयो रे नि ?
पारिश्रमिक महंगो त होइन तर पनि बाँदरलाई पाल्दा बढी खर्च भयो । अभ्यासका लागि बाँदरलाई एकमहिना अघि नै ल्याउनुप¥यो । उसले फलफूल बाहेक अरु नखाने, त्यसपछि बाँदरलाई बादर्नी (सुन्दरी) पनि चाहिने र गुरु पनि चाहिने भएपछि तीनजनालाई पाल्दा खेरी बढी खर्च भएको हो ।
कुम्भकर्ण फिल्मस् प्रा.लि. चलाएर मोफसलमा पनि काम गर्नुभयो र अहिले रुद्राक्ष फिल्म्स प्रा.लि.को ब्यानरमा चलचित्र बृन्दावन निर्माण गर्नुभएको छ ? मोफसल भन्दा केन्द्रमा काम गर्न कत्तिको गाह्रो छ ?
– गाह्रो त छ नै । देशैभरीका कुराहरुलाई हेर्नुपर्ने । मोफसलमा एक ठाउँ ‘भिजिट’ गरे पुथ्यो भने केन्द्रीय तहमा सबै घुम्नुपर्ने । तर, एउटा के सजिलो भयो भने केन्द्रबाट नेटवर्किङ्ग फैलँदो र’छ । धेरैसँग चिनजान हुँदो र’छ, आफूले गरेका कामको मूल्यांकन हुने मैले अनुभव गरेको छु ।

13620805_1150481201660532_4884689508076326311_n
चुनौती के के छन् ?
– चुनौती पनि उत्तिकै छ । सिण्डिकेट सबैभन्दा चुनौती भेट्टाएँ । यसमा राज्यले पनि चासो देखाएको जस्तो लागेन । चलचित्र विकास बोर्डमै पनि सिण्डिकेट लागेको जस्तो देखेँ ।
बृन्दावनबाट संकलन भएको रकमले के गर्ने विचार गर्नुभएको छ ?
– सामाजिक काम गर्नुपर्छ, समाजलाई रुपान्तरण गर्नुपर्छ भन्ने मान्छे हो म । बृन्दावनको पैसाले सामाजिक काम गर्ने सोचमा छु ।
आफ्नै क्षेत्रमा छायाँकन गर्नुभयो, किन ?
– पहिलो कुरो, बृन्दावन मेरो पहिलो फिल्म हो । आर्थिक समस्याको लेखाजोखा गर्न गाह्रो भयो । आफ्नै ठाउँमा ग¥यो भने नपुगेको ठाउँमा साथीभाइहरुले सहयोग गर्नुहोला भनेर हो । अर्को कुरा बाह्य ठाउँमा जाँदा लोकेसन थाहा हुन्न, त्यहाँका स्थानीयसँग भिज्न सकेको हुँदैन । त्यसैकारण पनि मेरो पहिलो फिल्म यस क्षेत्रमै सुटिङ्ग गरेको हो ।
बृन्दावन कुन वर्गलाई लक्षित गरेर बनाइएको हो ?
– यो विशुद्ध सामाजिक विषयमा बनेको चलचित्र हो । परिवारमा बसेर हेर्न मिल्छ ।
नेपाली फिल्म चल्न मुस्किल भैरहेको अवस्थामा बृन्दावन चल्छ भन्नेमा कत्तिको विश्वस्त हुनुहुन्छ ?
– पहिलो कुरा त मेरो अनुभवका लागि पनि हो । मैले बाहिर ३५% बेचिसकेको अवस्था छ । अन्य मैले भिसिडीहरु पनि विक्री गरेको छु । नितान्त सामाजिक विषयवस्तु, नारीप्रधान चलचित्र भएकाले पनि दर्शकहरुले मनपराइदिनुहुन्छ भन्ने विश्वास लिएको छु ।
नेपाली चलचित्रको भविष्य कस्तो देख्नुभएको छ ?
– चलचित्र र चलचित्रकर्मीहरुको हकहितका निम्ती लड्नुपर्छ भन्ने मान्यता राख्ने मान्छे हो । नेपाली चलचित्रको उचाई आगामी दिनमा बढ्छ भन्ने मलाई लाग्छ ।
तपाई चलचित्र क्षेत्रमा कसरी प्रवेश गर्नुभयो ?
– बाल्यकाल देखि नै कलाकारिता क्षेत्रमा अली बढी रुची राख्थे । बालक्लबबाट विभिन्न किसिमका सडक नाटकहरु गथ्र्यौं ।
अन्त्यमा के भन्नु हुन्छ ?
– नेपाली चलचित्रलाई माया गर्नुहोस् । तपाईकै माया र ममताले हामीलाई हौसला मिल्नेछ । बृन्दावन भाद्र १७ गतेदेखि प्रदर्शनमा आउँदैछ । बृन्दावनसँगै नेपाली चलचित्रलाई पनि माया गर्नुहुनेछ भन्ने अपेक्षा राखेको छु ।

प्रकाशित मितिः बुधबार, साउन १९, २०७३     10:25:48 AM  |

Leave a Reply

Your email address will not be published. Required fields are marked *