20 September 2020  |   आइतवार, अशोज ४, २०७७

पाकिस्तानद्वारा विवादित जम्मू कश्मीरलाई समेटेर नयाँ राजनीतिक नक्सा जारी

मिसनटुडे संवाददाता
प्रकाशित मितिः बुधबार, साउन २१, २०७७  

पाकिस्तानले विवादित जम्मू–कश्मीर, लद्दाख, गुजरातको जूनागढ समेटेर नयाँ राजनीतिक नक्सा जारी गरेको छ । पाकिस्तानी प्रधानमन्त्री इमरान खानले जम्मू कश्मीर, लद्दाख, जूनागढ समेटेर नयाँ राजनीतिक नक्सा जारी गरेका हुन् । मन्त्रीपरिषद्को यो निर्णय विपक्षी पार्टी र पाकिस्तान प्रशासित कश्मीर नेतृत्वले पनि स्वागत गरेको छ ।

नयाँ नक्सा जारी गरेपछि प्रधानमन्त्री खानले नयाँ नक्साले पाकिस्तानी नागरिकको उमंगको प्रतिनिधित्व गरेको दाबी गरेका छन्। गएको वर्ष अगष्ट ५ मा भारतले कश्मीर समेटेर गैर कानुनी रुपमा नयाँ नक्सा जारी गरेको उनको आरोप छ ।

त्यो नक्सा आफूहरुलाई अमान्य भएकाले पनि नयाँ नक्सा जारी गरिएको पाकिस्तानी प्रधानमन्त्री खानको भनाइ छ । उनले अब पाकिस्तानको स्कुल, कलेज र सबै कार्यालयमा आधिकारिक रुपमा नयाँ नक्सा राख्ने निर्णय भएको पनि बताएको अन्तराष्ट्रिय सञ्चार माध्यमले जनाएका छन् ।

भारतले भने पाकिस्तानको नयाँ नक्सा खारेज गर्दै यसको कानुनी वैधता र अन्तराष्ट्रिय स्तरमा कुनै विश्वसनीयता नभएको दाबी गरेको छ । -ujyaaloonline

प्रकाशित मितिः बुधबार, साउन २१, २०७७     10:58:12 AM  |

Leave a Reply

Your email address will not be published. Required fields are marked *