कोहलपुर :
कर्णाली प्रदेश सरकारका आन्तरिक मामिला तथा कानुन मन्त्री नरेश भण्डारीले नेपाल भारत सीमा क्षेत्र दशगजमा रहेको क्वारेन्टाइनमा रहेका कर्णालीबासीलाई भेटघाट गरेका छन् ।
रोजगारको शिलशिलामा भारतमा रहेका उनीहरुलाई अहिले दशगजामा नेपाली सेनाले निर्माण गरेको क्वारेन्टाइनमा राखिएको छ । उनले त्यहाँ रहेका कर्णालीबासी र अन्य व्यक्तिहरुको अवस्थाको अवलोकन गरेका हुन् ।
क्वारेन्टाइन अवलोकन पछि मन्त्री बोल्दै मन्त्री भण्डारीले कर्णालीबासीहरुको अवस्था बुझ्नको लागि क्वारेन्टाइनमा आएको बताए । उनका अनुसार भारतबाट आएका उनीहरुको व्यवस्थापनमा केही ढिलाई भएपनि उनीहरुको सुरक्षाको लागि प्रदेश सरकार सक्रिय भएको बताए । 
मन्त्री भण्डारीले कर्णालीबासीलाई केही समस्या भए सरकार सहयोग गर्न तयार रहेको समेत बताए ।‘कर्णालीका नागरिकको अवस्था बुझ्नको लागि हामी आएका हौ’ उनले भने,‘यहाँको अवस्था राम्रो छ ।
अन्य सहयोग गर्नु परेमा हामी तयार छौ ।’ उनले कर्णालीबासलाई १४ दिन सम्म क्वारेन्टाइनमा राख्ने र त्यस पछि प्रदेश सरकारले सम्बन्धित जिल्लामा पुयाउने समेत बताएका छन् ।
क्वारेन्टाइनमा सल्यानका ९, जुम्लाका १५, सुर्खेतका ७ डोल्पाका ३, दैलेखका १०, , मुगुका २ जना छन् ।यस अघि मन्त्री भण्डारीले बाँके जिल्लाका प्रमुख जिल्ला अधिकारी, सुरक्षा निकायका प्रमुखहरुसँग समेत भेटघाट गरेका थिए ।