मिसनटुडे संवाददाता
प्रकाशित मितिः मङ्लबार, चैत्र १८, २०७६
चितवन ।
चितवनको सरस फुड इन्डस्ट्रीजमा आगलागी भएको छ।
भरतपुर महानगरपालिका ४ लंकु स्थित धारापानी चोक नजिक रहेको इन्डस्ट्रीजमा बिहान करिब पौने ५ बजेबाट बिजुली सट भएर आगलागी भएको जिल्ला प्रहरी कार्यालय चितवनले जानकारी दिएको छ ।
अहिले पाँच वटा दमकलको प्रयोग गरेर आगो नियन्त्रणमा ल्याउने प्रयास भइरहेको छ ।
आगो नियन्त्रणका लागि नेपाली सेना , सशस्त्र प्रहरीबल , नेपाल प्रहरी समेत खटिएका छन् । इन्डस्ट्रीजका सञ्चालक रेखा अग्रवालका अनुसार आगलागीबाट कुनै मानवीय क्षती भएको छैन् ।
अग्रवालले उद्योगमा करोडौँको क्षती भएको दावि गरेका छन् ।