22 October 2019  |   मङ्लबार, कार्तिक ५, २०७६

मटेहियामा निःशुल्क स्वास्थ्य शिविर

मिसनटुडे संवाददाता
प्रकाशित मितिः शनिबार, अशोज ११, २०७६  

कोहलपुर ।

बाँकेको नरैनापुर गाउँपालिका वडा नम्बर ५ मटेहियामा निःशुल्क स्वास्थ्य शिविर संचालन गरिएको छ ।

दुर्गम क्षेत्रका नागरिकको स्वास्थ्य सुविधाका लागि निःशुल्क स्वास्थ्य शिविरको आयोजना गरिएको हो ।

उक्त स्वास्थ्य शिविरको बाँके निर्वाचन क्षेत्र नम्बर १ का संघीय सांसदमहेश्वर गहतराज ‘अथक’ले उद्घाटन गरेका थिए ।

शिविरको प्रमुख अतिथि समेत रहेका सांसद ‘अथक’बाँके जिल्ला कै विकट मानिएको नरैनापुर क्षेत्रमा स्वास्थ्य र लागु औषधका बारेमा जनचेतनामुलक कार्यक्रम संचालन गरर्न आवश्यक रहेको बताए ।

उनका अनुसार मानिसको लागि स्वास्थ्य सेवा पहिलो प्राथमिकता हो ।

समाजमा रहेका समस्या समाधानको लागि राजनितिक दल, स्थानिय सरकार लाइ जागरण अभियानका लागि अग्रसर हुन आह्वान गरेका छन् ।

सांसद ‘अथक’ले नेपालमा डेङ्गु रोग भित्रिइ सकेकाले यस प्रति सचेत रहन आग्रह गरेका छन् ।

सामुदायिक प्रहरी नेपालगँजका प्रमुख दिपेन्द्र जोसीले गाउँपालिकाका विभिन्न क्षेत्रमा  डेंगु तथा अन्य रोगको ल्याबको समेत ब्यवस्था रहेको जानकारी दिए ।

कार्यक्रममा ५ नम्बर प्रदेश सांसद कृष्णा के.सी. ‘नमुना’ नरैनापुर गा.पा. अध्यक्ष इस्तियाक अहमद साह लगायतले  मन्तव्य राखेका थिए ।

सामुदायिक प्रहरी सेवा केन्द्रे सहकार्यमा क्षेत्रिय प्रहरी अस्पतालको आयोजनामा  शिविर सम्पन्न भएको हो

प्रकाशित मितिः शनिबार, अशोज ११, २०७६     6:07:08 PM  |

Leave a Reply

Your email address will not be published. Required fields are marked *