मिसनटुडे संवाददाता
प्रकाशित मितिः शनिबार, भदौ ७, २०७६
बनगाड कुपिन्डे नगरपालिका–८, सल्यान
पापादेखि पानी किन्न पैसा चाहिन्छ
आजभोली बाटो हिन्न पैसा चाहिन्छ ।
गायक गायिकादेखि नायक नायिका
मान्छे नै हुन् तर चिन्न पैसा चाहिन्छ ।
योग्यताको कसैले कदर गर्दैन यहाँ
प्रतिस्पर्धीलाई उछिन्न पैसा चाहिन्छ ।
कहीँ कतै अफिसमा पद खाली भयो भने
जागिर त्यसै कोही दिन्न पैसा चाहिन्छ ।
न्यायदाताहरु पनि यतिसम्म विकिसके
सही गलत कुरा छिन्न पैसा चाहिन्छ।
हाल : कोहलपुर–१०, बाँके